„დიდი იმედი მაქვს, ამ პრეზიდენტს რომ გაუშვებენ, მერე  პროცესები სხვანაირად  განვითარდება. თუ არ მოხდა იმათი დასჯა, ვისაც ხელები სისხლში აქვს გასვრილი, ვისაც მილიარდები აქვს გატანილი, ქვეყანაში დემოკრატიული პროცესები ვერ განვითარდება“ - აცხადებს სახალხო კრების ლიდერი ნონა გაფრინდაშვილი „ახალი თაობისთვის“ მიცემულ ინტერვიუში. როგორც მან აღნიშნა, ვანო მერაბიშვილის ციხიდან გამოშვების შემთხვევაში ხალხმა სახალხო აჯანყება უნდა მოაწყოს – „მერაბიშვილი თუ გამოუშვეს იქიდან, მაშინ ხალხმა სახალხო აჯანყება უნდა მოაწყოს, პირდაპირ ვაცხადებ ამ სიტყვებს. ამათ თუ შერჩათ ეს ყველაფერი, რაც ჩაიდინეს, მაშინ აღარ ყოფილა ამ ქვეყანაზე სამართალი“ - აცხადებს ნონა გაფრინდაშვილი