სრულიად საქართველოს კათოლიკოს-პატრიარქი ილია II საქმიანი ვიზიტით თურქეთში იმყოფება. სარფის საბაჟომდე პატრიარქი მრევლმა და სასულიერო პირებმა მიაცილეს. უწმინდესმა ქემალფაშაში ადგილობრივი მაკრიალის ეკლესია, დაბა ფილდინკლში ადგილობრივი ლაზური საცხოვრებელი სახლი და დაბა ფაზარში თამარის ციხე მოინახულა. ილია II დღესვე არდაშენში ადგილობრივ ლაზებს შეხვდება, რის შემდეგაც ტრაბზონში გაემგზავრება.

ხვალ დილიდან პატრიარქი შეხვედრებს ანკარაში გამართავს. პატრიარქის ვიზიტზე ინფორმაციას ტელეკომპანია „იმედი" ავრცელებს.