სრულიად საქართველოს კათოლიკოს-პატრიარქმა ილია მეორემ თურქეთში ადგილობრივ ლაზებთან შეხვედრისას განაცხადა, რომ ქართველები და ლაზები ერთი სისხლის არიან და ეს ყველას უნდა ახსოვდეს.

„ბედნიერი ვარ, რომ ლაზეთში ვიმყოფები. ყველას უნდა გვახსოვდეს, რომ ლაზები და ქართველები ერთი სისხლი და ხორცია", -  ბრძანა უწმინდესმა.

შეგახსენებთ, სრულიად საქართველოს კათოლიკოს-პატრიარქი ილია მეორე საქმიანი ვიზიტით თურქეთში იმყოფება. კათოლიკოს-პატრიარქმა თურქეთში, ქემალფაშაში ადგილობრივი მაკრიალის ეკლესია მოილოცა და დაბა ფაზარში თამარის ციხე მოინახულა. ასევე, უწმინდესი არდაშენში მცხოვრებ ლაზებს შეხვდა, რის შემდეგაც ტრაბზონში გაემგზავრა.

ხვალ , უწმინდესი შეხვედრებს ანკარაში გამართავს.