კრემის დასამზადებლად თქვენ დაგჭირდებათ:
კვერცხის გულის ნახევარი, 2 ჩაის კოვზი ნუშის ზეთი (შეგიძლიათ შეცვალოთ ზეითუნის ზეთით), 1 ჩაის კოვზი ზღვის მარილი, 2 სუფრის კოვზი გვირილის ნაყენი (1 ს/კ გამხმარ გვირილას დაასხით 200 მლ წყალი, ადუღეთ 15-20 წუთი), 0,5 ჩ/კ ნამდვილი თაფლი, 2 ჩაის კოვზი კოსმეტიკური ვაზელინი (იყიდება აფთიაქში).

მომზადების წესი: კარგად აურიეთ ყველაფერი კოვზით ერთგვაროვანი მასის მიღებამდე. შეინახეთ მაცივარში.

მსუბუქი მასაჟის მოძრაობებით შეიზილეთ კანში. 30 წუთის შემდეგ ჩამოიწმინდეთ კრემის ნარჩენები მინერალურ წყალში დასველებული ბამბის ტამპონით.

იწოვება რთულად, ამიტომაც მისი გამოყენება დაძინებამდე 2 საათით ადრე სჯობს. პირველ შედეგს 3 დღის შემდეგ დაინახავთ. რეცეპტი ნაცადია და ნამდვილად ჯადოსნური.