მუსიკალურ პროექტ "იქს ფაქტორის" ჟიურის ერთ-ერთი წევრი, საბერძნეთიდან მოწვეული 32 წლის თამთა გოდუაძე ჟურნალ „სარკესთან" პირად ცხოვრებაზე საუბრობს:
" ჩემი ცხოვრების დღევანდელი რიტმი არ მაძლევს იმის საშუალებას, რომ ოჯახზე ვიფიქრო. ასე მგონია, ოჯახის შექმნა კიდევ ერთი ტვირთი იქნება, რომლის ტარებაც არ მინდა. ჩემი გონება ისედაც ბევრი რამით არის დატვირთული, ვარ მარტო, მაგრამ ძალიან კარგად. ალბათ ჯერ არ გამოჩენილა ადამიანი, რომელიც გათხოვებაზე დამაფიქრებდა.
ამ ეტაპზე ჩემთვის პრიორიტეტი საქმე, შვილი და ჩემი ცხოვრებაა. ვიცი, რომ საყვარელ მამაკაცს დღეს ისეთ იდეალურ გარემოს ვერ შევუქმნი, როგორიც წარმომიდგენია, ამიტომ ჯობია ამაზე არც ვიფიქრო.
არც ისეთი მომთხოვნი ვარ, რომ ქართველ მამაკაცებს შეეშინდეთ. მიყვარს თავდაჯერებული კაცები, მაგრამ არა ისეთი, რომ ყოველ წუთში ახდენდეს ამის დემონსტრირებას. მჭირდება მამაკაცი, რომელიც შინაგანად არის თავდაჯერებული და მე დავინახავ ამ თვისებას მასში. ამას არც ფული სჭირდება და არც პოპულარობა, ხშირად მამაკაცებს ეს ეშლებათ ხოლმე. თვლიან, რომ თავდაჯერებულობა ფული და ავტორიტეტია. პირიქით, პოპულარული მამაკაცები არც მიზიდავენ.
ისეთი უცნაური ვარ, რომ ვერც ერთმა თაყვანისმცემელმა მიაღწია იქამდე, რომ ჩემთვის ხელი ეთხოვა და, მით უმეტეს, ძვირფასი საჩუქარი გაეკეთებინა. არასოდეს დავხარბდები იახტას და ფულს. თუ ის მამაკაცი ისეთი ხასიათისაა, როგორიც მე მინდა, რა თქმა უნდა, ფულის გამო არ დავიწუნებ, მაგრამ პირიქით რომ იყოს, არავითარ შემთხვევაში!"
