უმრავლესობის წარმომადგენლის ნუკრი ქანთარიას განცხადებით, საქართველოს ეკონომიკური განვითარებისთვის „ხუდონჰესის" პროექტის განხორციელება ძალიან მნიშვნელოვანია და იმედოვნებს, რომ სვანები ქვეყნის საკეთილდღეოდ მიიღებენ გადაწყვეტილებას.

„ბუნებრივია სვანეთში არსებობს პრობლემები, რომლებიც ისე უნდა მოვაგვაროთ, რომ მათი უფლებები არ შეილახოს. მე როგორც ვიცი, ალტერნატიული სოფლის აშენებას სთავაზობენ, სადაც ყველანაირად იქნებიან უზრუნველყოფილნი. ქვეყნის საკეთილდღეოდ მათ უნდა მიიღონ ეს წინადადება, რაც სვანებს არაერთხელ გაუკეთებიათ. ჩვენ უნდა ვიზრუნოთ ასეთი მასშტაბური პროექტისთვის, რომელიც ენერგოდამოუკიდებლობას მოგვიტანს. " - განაცხადა ნუკრი ქანთარიამ.