ჟურნალისტი ნათია მიქიაშვილი ტელეკომპანია "რუსთავი 2"-ზე გადადის. საკუთარ საავტორო გადაცემა "ანატომიას" სწორედ ამ არხზე წაიყვანს. ჟურნალისტი Facebook-ის საკუთარ გვერდზე წერს:
"ძალიან მოკლე დროში მივიღე გადაწყვეტილება მიმეღო ცხოვრებისგან კიდევ ერთი და ვფიქრობ ერთერთი ყველაზე მნიშვნელოვანი გამოწვევა!!!!!!!!!! "ანატომია" სულ რამდენიმე ხანში გავა ტელეკომპანია რუსთავი 2-ის ეთერში, საქართველოში ყველაზე მაღალრეიტინგული სამაუწყებლო ტელევიზია მზად არის საკუთარი საეთერო დრო დაუთმოს გადაცემა "ანატომია"-ს. და მე ეს ძალიააააააააააააააან მიხარია....... ვნახოთ რა გამოგვივა.. მგონი, რომ ყველაფერი კარგად იქნება... დიდი მადლობა ყველა იმ ტელევიზიას და მათ მენეჯმენტს, რომლებიც წლების განმავლობაში არ ერიდებოდნენ ანატომიის საშუალებით მიეცათ საზოგადოებისთვის სიმართლის გაგების უფლება... დიდი მადლობა მაყურებელს რომელიც, ენდობოდა, უყურებდა და აფასებდა ჩემს გადაცემას.. უთქვენოდ ანატომია ვერ იარსებებდა... დიდი მადლობა ჩემს მეგობრებს და ოჯახს, რომელთა კისერზეც გადაირია ყველაზე რთულმა დრომ... მიყვარხართ".
გადაცემა „ანატომია" "მე-9 არხის" ეთერში გამოჩენამდე სოციალური ქსელებით ვრცელდებოდა. გადაცემამ მაყურებელთა ინტერესი სკანდალური თემებით მიიპყრო. მაგალითისთვის, ერთ-ერთ გადაცემაში ავტორი და წამყვანი ნათია მიქიაშვილი მაყურებელს მოუწოდებდა, გადაეწყვიტათ- ვინ დაიწყო ომი, საქართველომ თუ რუსეთმა. თავად გადაცემაში კი, ქართული მხარის მიერ ომის პროვოკაციაზე საუბრობდა. ასევე, მიხეილ სააკაშვილს ადანაშაულებდა, რომ ძალის გამოუყენებლობის შესახებ შეთანხმებას ხელი არ მოაწერა.
