ხატი აფხაზეთის ე.წ. საზღვართან, ენგურის ხიდზე სასულიერო პირებმა მიაბრძანეს და სამშვიდობო პარაკლისი გადაიხადეს. ხატთან მოლოცვის საშუალება აფხაზეთიდან გადმოსულ მოქალაქეებსაც ჰქონდათ. მირონმდინარე ხატი ზუგდიდში წუხელ ჩააბრძანეს და მთელი ღამის განმავლობაში მორწმუნეებს საშუალება ჰქონდათ ხატთან ელოცათ.

ენგურის ხიდზე პარაკლისის გადახდის შემდეგ სასწაულმოქმედი ხატი სენაკისა და ჩხოროწყუს ეპარქიაში გადააბრძანეს. ხატს თან ამერიკის მართლმადიდებლური ეკლესიის დელეგაცია ახლავს.