ბიძინა ივანიშვილი დღეს ცნობილ ინვესტორს, მსოფლიოში უმსხვილესი კომპანია „Franklin Templeton Investments" მმართველ დირექტორს, მარკ მობიუსს შეხვდა. შეხვედრა პრემიერ-მინისტრის საზაფხულო რეზიდენციაში გაიმართა. მხარეებმა საქართველოში არსებულ საინვესტიციო გარემოსა და მის პერსპექტივებზე იმსჯელეს. საქართველოს პრემიერ-მინისტრმა მადლობა გადაუხადა სტუმარს საინტერესო საუბრისთვის და იმედი გამოთქვა, რომ ახალი ხელისუფლების ძალისხმევა ბიზნესგარემოს გაჯანსაღების კუთხით მალე შედეგს გამოიღებს და ქვეყანაში ინვესტიციის მოცულობა გაიზრდება.
თავის მხრივ მარკ მობიუსმა საქართველოში ინვესტიციის განხორციელების სურვილი გამოთქვა.