საქართველოს საგარეო საქმეთა მინისტრი მაია ფანჯიკიძე რეგიონული მედიის წარმომადგენლებს შეხვდა. სამინისტროში გამართულ შეხვედრას ჟურნალისტები სამცხე-ჯავახეთისა და ქვემო ქართლის რეგიონიდან ესწრებოდნენ.

მინისტრმა ჟურნალისტებთან ევროკავშირთან ასოცირების შეთანხმების ხელმოწერის მნიშვნელობაზე ისაუბრა და საქართველო-ევროკავშირის თანამშრომლობის შესახებ ჟურნალისტების შეკითხვებს უპასუხა.

მაია ფანჯიკიძემ მედიის წარმომადგენლებს ასოცირების შეთანხმებასთან დაკავშირებით სამინისტროს მიერ მომზადებული საინფორმაციო გზამკვლევიც გააცნო.

აღნიშნული შეხვედრა საერთო სამოქალაქო მოძრაობა მრავალეროვანი საქართველოსა და პრეზიდენტის ადმინისტრაციის მხარდაჭერით ჩატარდა.