ახალი, შემეცნებითი ხასიათის გადაცემა ტვ 3 -ზე -  „ბეღურების გადაფრენის" მთავარი თემები იქნება  : კულტურა, მეცნიერება და ხელოვნება. გადაცემა ყოველ შაბათს, 23 საათზე,  ხატია სულაბერიძესთან და ვახო ძიგავასთან ერთად გავა.

პირველი გადაცემის თემა 26 მაისს მიეძღვნება. როგორც გადაცემის ერთ-ერთი წამყვანი, ხატია სულაბერიძე აცხადებს, მაყურებელს საინტერესო სანახაობა ელის, გადაცემაში კი თემები იმ დეტალებზე იქნება აგებული, რაც მაყურებლისთვის უცნობია.

პირველ გადაცემაში სტუმრად იხილავთ პოეტ თემურ ჩალაბაშვილს, ასევე, ისტორიკოსსა და აკადემიკოს მარიკა ლორთქიფანიძეს.  დამოუკიდებლობის დღესთან დაკავშირებით, წამყვანები სტუმრებთან ერთად ზვიად გამსახურდიასა და მერაბ კოსტავას შესახებ ისაუბრებენ.