„საქართველოს ახალგაზრდა კონსტიტუციონალისტთა ასოციაციის" პრეზიდენტმა თორნიკე ჭეიშვილმა და ორგანიცაზიის წევრებმა „რეპორტიორის" პრეს-კლუბში სოციალური ვიდეო- რგოლის პრეზენტაცია გამართეს.
„შენ გიცავს კონსტიტუცია."- ამ სახელწოდებით დამზადებული ვიდეო-რგოლი, რომელშიც მონაწილეობას კულტურის წარმომადგენლები, ძალოვანი უწყებების მიერ დაზარალებული პირები და სხვა ცნობილი სახეები იღებენ, კონსტიტუციის თითოეულ მუხლს ეხება და საზოგადოებას კიდევ ერთხელ ახსენებს კანონით გათვალისწინებულ უფლებებს, რომელიც ხშირ შემთხვევაში დარღვეულია.
ორგანიზაციის პრეზიედენტის, თორნიკე ჭეიშვილის განცხადებით, აღნიშნული ვიდეო საზოგადოებაში ამ კუთხით ცნობიერების ამაღლებასა და კანონის დაცვის განმტკიცებას ემსახურება. „საქართველოს ახალგაზრდა კონსტიტუციონალისტთა ასოციაცია" დღეს ყოფილი პარლამენტის მიმდებარე ტერიტორიაზე აქციასაც გამართვას, სადაც საზოგადოებას „საქართველოს კონსტიტუცია" დაურიგდება და სპეციალური წარმომადგენლები თითოეული მუხლის განმარტებას გააკეთებენ.
„ჩვენი მიზანია რომ ამ სოციალური ვიდეო-რგოლის მეშვეობით, რომელიც შემდგომ სოციალურ ქსელებში დატრიალდება, საქართველოს მოქალაქეები უფრო გათვითცნობიერებულები გახდნენ და საკუთარი უფლებების დაცვა მაქსიმალურად შეეძლოთ. ჩვენ სხვა აქციაბსაც ვგეგმავთ, გვინდა, რომ მოქალაქეებს დაწვრილებით ავუხსნათ თითოეული მუხლის მნიშვნელობა. ასევე იგეგმება სხვა ვიდეოების დამზადებაც."- აღნიშნა ასოციაციის პრეზიდენტმა.
„რეპორტიორი" სოციალურ ვიდეო-რგოლს გთავაზობთ:
