სააგენტო „ფრონტ ნიუსი" ავრცელებს ინფორმაციას რომ, ტელეკომპანია  „მე-9 არხი" აღარ გაიყიდება და არხის ტექნიკური აღჭურვილობა კი მთლიანად  ბერა ივანიშვილის კუთვნილ ტელევიზიას,  „GDS"-ს გადაეცემა.

„GDS" სექტემბრიდან განახლებული ფორმატით გავა ეთერში.  ტექნიკის გადატანა გუშინ დაიწყო და ამ დრომდე გრძელდება."- იუწყება სააგენტო.

„რეპორტიორი" „მეცხერ არხის" დირექტორს, ლუბა ელიაშვილს დაუკავშირდა, მისი ინფორმაციით მსგავსი გადაწყვეტილების შესახებ ინფორმაცია არ მიუღია, ხოლო რაც შეეხება ტექნიკას, ელიაშვილი აცხადებს, რომ ტელეკომპანია „GDS"-ს და „მეცხრე არხს" ჰქონდათ საერთო ტექნიკა, რომლითაც ორივე ტელევიზია სარგებლობდა.

„ მსგავსი ინფრომაცია არ მაქვს. არ ვიცი საერთოდ რას ნიშნავს „მეცხრე არხის" „GDS" -თვის გადაცემა, ორივე ერთი სახელით იმაუწყებლებს?  თუმცა ამ ორ კომპანიას საერთო ტექნიკა თავიდანვე ჰქონდათ და სარგებლობდნენ, ტექნიკის გადატანაში რა იგულისხმება ვერ გეტყვით." -აცხადებს ელიაშვილი.