ტელეკომპანია „მაესტროს" ერთ-ერთი დამფუძნებელი, მამუკა ღლონტი ნინო ჟიჟილაშვილის სკანდალურ გადაცემასთან დაკავშირებით, სადაც ჟურნალისტსა და ეროსი კიწმარიშვილს შორის დაპირისპირება მოხდა, ჟურნალ „სარკესთან" კომენტარს აკეთებს:
მამუკა ღლონტი: „წინასწარ, რა თქმა უნდა, მკითხეს აზრი, ვინაიდან აქ უკვე ჩვენი ინტერესიც იკვეთებოდა. წინააღმდეგი ვიყავი „მაესტროს" ეთერში ეროსი კიწმარიშვილის მოყვანის. ვაფრთხილებდი, რომ ასპროცენტიანი პროვოკატორია და მათ პროვოკაციაზე წამოაგებდა. ამ ეთერით ძალიან უკმაყოფილო ვარ. სამწუხაროდ თუ საბედნიეროდ, ჩვენთან სარედაქციო დამოუკიდებლობაა. ამიტომ ჩემი უარყოფითი დამოკიდებულება რესპონდენტის მიმართ არ გაითვალისწინეს და მათ მაინც მოიყვანეს ეროსი კიწმარიშვილი. „
შეგახსენებთ, „მაესტროს" ეთერში გადაცემის წამყვანმა, ჟურნალისტმა ნინო ჟიჟილაშვილმა სტუმრად მოწვეულ ეროსი კიწმარიშვილს მატყუარა უწოდა.
ტელეკომპანია „მაესტროს" და ეროსი კიწმარიშვილს სასამართლო დავა აქვთ ტელეკომპანიასთან დაკავშირებით.
წყარო: „სარკე"
