უფლებადამცველი ლედი ტუკვაძე მისი დაცვის ქვეშ მყოფი 19 წლის ქუთაისელი გოგონას გადასარჩენად სახელმწიფოს დახმარებას სთხოვს. ადვოკატის თქმით, 19 წლის ნათია 4 წელია, საქართველოდან წავიდა და სავარაუდოდ, თურქეთში ტრეფიკინგის მსხვერპლია.
"ნათია გიორგიძე არის ქუთაისელი, 19 წლის გოგონა. უკიდურესად მძიმე სოციალური ფონით.
4 წელია, დაკარგულად ითვლება. სარწმუნო წყაროებზე დაყრდნობით, იგი თურქეთში ერთ-ერთ სასტუმროში ქალბატონმა ნახა, რომელმაც ოჯახს შეატყობინა, რომ მას დანაწევრებას უპირებდნენ. ეს ქალბატონიც გაურკვეველ ვითარებაში ამ ზარის შემდეგ გარდაიცვალა. ძალიან გთხოვთ, ახალგაზრდებო, ქუთაისელებო, ქართველებო, გავერთიანდეთ, ერთად მოვძებნოთ ნათია გიორგიძე", - აცხადებს ტუკვაძე.
"მე ვარ ნათია, ტრეფიკინგის მსხვერპლი, მიშველეთ" - ამ ფრაზის ბანერები უკვე დაბეჭდილია, რადგან ყველა ქართველმა გაიგოს ფაქტის შესახებ", - აღნიშნავს ადვოკატი.
წყარო: topnews.com.ge
topnews.com.ge
