საქართველოს რეგიონებში საყოველთაო ჯანდაცვის მეორე ეტაპის მონიტორინგი გრძელდება. ჯანდაცვის მინისტრის პირველი მოადგილე დიმიტრი ხანთაძე და სოციალური მომსახურების სააგენტოს ხელმძღვანელი ნოე ქინქლაძე დღეს ქვემო ქართლს ესტუმრნენ. 

შეხვედრა მარნეულის კულტურის სახლში გაიმართა და მას ქვემო ქართლის კლინიკების წარმომადგენლები, პირველადი ჯანდაცვისა და სოფლის ექიმები ესწრებოდნენ. 
ჯანდაცვის სამინისტროს წარმომადგენლებმა მედპერსონალის კითხვებს უპასუხეს და ადგილობრივ პრობლემატიკას გაეცნენ. როგორც ჯანდაცვის სამინისტროში აცხადებენ, მსგავსი სახის შეხვედრები საქართველოს სხვადასხვა რეგიონებში რეგულარულად ტარდება.