იუსტიციის მინისტრი ახალციხეში მიმდინარე პროცესებს გამოეხმაურა. თეა წულუკიანმა მინარეთის საკითხთან დაკავშირებით გააკეთა განცხადება და აღნიშნა, რომ მინარეთი, შესაძლოა უკანონოდ იყო დამონტაჟებული. როგორც იუსტიციის მინისტრი აღნიშნავს, დავა ცივილური მეთოდებით უნდა გადაწყდეს.
„სამწუხაროდ, ჭელაში არის დაძაბული მდგომარეობა. ჭელა არის ალბათ ერთი და პირველი და ამ თემაზე არ არის გამორიცხული საქართველოში სხვა კონკრეტულმა სიტუაციებმაც მიგვიყვანოს ისეთი ზოგადი თემის და საკითხის გადაჭრის აუცილებლობამდე, როგორიც არის მინარეთების თემა. ეს არ უნდა იყოს ტაბუდადებული თემა. საქართველოს საზოგადოებას ადრე თუ გვიან მოუწევს ჯანსაღად, ყოველგვარი ემოციების, ისტერიისა და დაპირისპირების გარეშე (რადგან ეს ჩვენ არ გვჩვევია) იმსჯელოს შემდეგ საკითხზე, უნდა იყოს თუ არა ჩვენს ქვეყანაში მინარეთები."- განაცხადა წულუკიანმა.
