სრულიად საქართველოს კათოლიკოს-პატრიარქმა დღევანდელ საკვირაო ქადაგებისას მრევლს სულთმოფენობის დღესასწაული მიულოცა და დღესასწაულის მნიშვნელობაზე ისაუბრა.
“დღეს არის ჩვენი დიდი დღესასწაული, ტაძრის დღესასწაული, ხსენება წმინდისა სამებისა, დღეს ყოველი ჩვენთაგანი ლოცულობს “მეუფეო ზეცათაოს”. ვმადლობთ უფალს, რომ ჩვენთან არის, იმისთვის, რომ ინება ამ დიდებული ტაძრის აშენება, ეს ტაძარი, რომ წმინდა სამების სახელზე არ ყოფილიყო აშენებული, არ აშენედებოდა. ეს არის ხელთქუმნელი ტაძარი მსგავსად ხელთუმქნელი ხატისა, როცა აშენდა ეს ტაძარი ვთქვი, რომ ეს არის ავტოპორტრეტი ქართველი ხალხისა”, - ბრძანა უწმინდესმა.
ქადაგების შემდეგ შესრულდა მწუხრი და მუხლომდრეკილი ლოცვები იქნა წაკითხული.
“მუხლმოდრეკის ლოცვები განაახლებს თქვენს ძალას, სულიერ და ფიზიკურ ძალას და სულიწმინდის ძალა მოგეცემათ თქვენც”, - ბრძანა უწმინდესმა.
პატრიარქის თქმით, დღეს მორწმუნეებმა უნდა დალიონ და საკუთარ სახლებს აპკურონ ნაკურთხი წყალი უხვად, რათა სულიწმინდა მათზე გადმოვიდეს.
