დღეს „შერატონ მეტეხი პალასში" რელიგიის საკითხთა ახლადდაფუძნებული სააგენტოს წარმომადგენლებმა დიპლომატიური კორპუსისა და სხვადასხვა რელიგიური ორგანიზაციის წარმომადგენლებთან პირველი სამუშაო შეხვედრა გამართეს.
სრულიად საქართველოს კათოლიკოს-პატრიარქ ილია მეორეს მდივანმა, მამა მიქაელ ბოტკოველმა განაცხადა, რომ რელიგიის საკითხთა სააგენტოს დაარსებას მიესალმება.
„რა თქმა უნდა, მივესალმები რელიგიის საკითხთა სახელმწიფო სააგენტოს დაფუძნებას, თუმცა უნდა აღვნიშნო, რომ ეს უწყება არ გულისმოხბს ერთნაირ პირობებში ყოფნას, რადგან მართლმადიდებლობას გააჩნია ქვეყანაში განსაკუთრებული სტატუსი, როგორც ყველაზე მნიშვნელოვან ინსტიტუციას ქვეყნის ჩამოყალიბების პროცესში. გამომდინარე აქედან, მართლმადიდებლურ ეკლესიას ყოველთვის ექნება თავისი ღირსეული ადგილი"- განაცხადა მამა მიქაელ ბოტკოველმა.
