ადვოკატი მირიან ნიკოლაძე პროკურატურას ახალაიების ოჯახის მფარველობაში ადანაშაულებს და პოლიტიკოსებს სამართლიანობის აღდგენის მოთხოვნით მიმართავს. ამასთან დაკავშირებით ნიკოლაძემ გაზეთ „ალიასთან" მიცემულ ინტერვიუში ისაუბრა.
„გამოვლენ გაკვირვებული სახეებით, მაპატიეთ და, ინდაურები რომ ჰყავთ მინისტრებად და იტყვიან, ვაიმე რატომ შიმშილობს პატიმარი, რა უნდათ, ყველაფერი აქვთო. მათ საჭმელი კი არა, სამართლის აღსრულება და ღირსების დაბრუნება უნდათ."- აღნიშნა ნიკოლაძემ.
ადვოკატის განცხადებით, დათა ახალაია პროკურატურასთან კურკურებს, „ნაკოლებს" იძლევა, პროკურატურას ამუშავებს და ამის გამო დიდ სარგებელსაც იღებს.
„რატომ უნდა გითხრას პროკურატურამ უარი ექსპერტიზაზე? ვეხვეწები, თქვე დალოცვილებო, ჩაატარეთ ექსპერტიზა და რომ ვნახავ, დოკუმენტზე ხელმოწერა ყალბია, გამოიკვეთება დამნაშავე, რადგან კვალი წავა იმისკენ, ვინც ყალბი დოკუმენტი შეადგინა. აი, ამაზე რომ პროკურატურა უარს გეტყვის, როგორ არ უნდა იფიქრო, რომ ახალაია პროკურატურასთან ალაინსშია? ამჟამად ძირითადად ორიენტირებულები არიან ბაჩო ახალაიას გამოშვებაზე და ეს ბარტერია. მე ძალიან მეშინია, როგორც მოქალაქეს, რომ პროკურატურის ამ დამოკიდებულებამ არ გამოიწვიოს გაუკონტროლებელი პროცესები. მე ვიცი ამ ხალხის განწყობები, ვინც უსამართლდ დაიჩაგრა და ამ დაჩაგვრას გრძელებს პროკურატურაც. ეს ცეცხლზე ნავთის დასხმაა და თუ ასე გაგრძელდა, დიდი ცეცხლი გადაუვალი იქნება."- განაცხადა მირიან ნიკოლაძემ.
