ერის ძარღვი მის გონებამახვილურ ანდაზებშია. ყველა ერს თავისი გზა და მსოფლმხედველობა აქვს, რაც ხალხურ შემოქმედებაში გამოიხატება. სწორედ ამიტომ, ჩვენთვის ყოველთვის საინტერესოა გავეცნოთ სხვა ცნობიერების მქონე ადამიანთა კულტურას. B2P.GE-მ შეაგროვა რჩეული ანდაზები და გამონათქვამები, რომელბშიც კარგად ჩანს განსაკუთრებული ებრაული ხიბლი.

    ადამი — პირველი იღბლიანი კაცი, რომელსაც არ ჰყავდა სიდედრი;

    თუკი პრობლემის გადაჭრა შესაძლებელია ფულით, მაშინ ეს პრობლემა არ არის, ეს ხარჯია;

    ღმერთმა ადამიანს მისცა ორი ყური და ერთი პირი იმისათვის, რომ მეტი მოისმინოს და ნაკლები ილაპარაკოს;

    ღმერთმა დაგიფაროს სულელი ქალებისგან, კარგებისგან კი თავად გაიქეცი!

    შევიდა ღვინო — გამოვიდა საიდუმლო;

    ყველა ფულის უქონლობაზე წუწუნებს, ჭკუის უქონლობაზე კი არავინ;

    თხის წინიდან გეშინოდეს, ცხენის უკნიდან, სულელის - ყველა მხრიდან;

    სტუმარს და თევზს სამი დღის შემდეგ სუნი ასდის;

    ორს არ სჯერავს შენი სიკვდილის: ვისაც უყვარხარ და ვისაც ეზიზღები;

    ცოდნა დიდ ადგილს არ იკავებს;

    ღმერთო! დამეხმარე ფეხზე დადგომაში — დაცემა თავადაც შემიძლია;

    როცა საკეთებელი არაფერია, იწყებენ დიადი საქმეების კეთებას;

    ვისაც შვილები არ ჰყავს, შეუძლიათ მათი კარგად აღზრდა;

    სიცილით სიკვდილი სჯობს შიშით სიკვდილს;

    გამოცდილება — ეს არის სიტყვა, რომელსაც ადამიანები საკუთარ შეცდომებს ეძახიან;

    ჭაღარა — სიბერის ნიშანია და არა სიბრძნის;

    დაბერებისას ადამიანი ხედავს ცუდად, მაგრამ მეტს;

    ადამიანმა უნდა იცხოვროს ცნობისმოყვარეობის გამო მაინც;

    ორი სიავისგან პესიმისტი ირჩევს ორთავეს;

    ყრუს ესმოდა რას ყვებოდა მუნჯი, რას ხედავდა ბრმა, კოჭლი როგორ გარბოდა სწრაფად;

    როცა შინაბერა თხოვდება, ის მაშინვე ახალგაზრდა ცოლი ხდება;

    მშობლები შვილებს ლაპარაკს ასწავლიან, შვილები მშობლებს გაჩუმებას;

    ფულთან ერთად ისე კარგი არ არის, როგორც მათ გარეშე ცუდად ყოფნაა;

    თხას წვერები ვერ აქცევს რაბინად;

    შორიდან არავინ არის ცუდი;

    შეიძლება კვერცხები ქათმებზე ბევრად ჭკვიანები არიან, მაგრამ ისინი მალე ლაყდებიან;

    ქაშაყი ჰყოფნის ათ ადამიანს, ქათამი მხოლოდ ორს;

    ჯერ არ დაბადებულა ცხენი, რომლითაც შეიძლება საკუთარ ახალგაზრდობას დაეწიო;

    მამაკაცები უფრო ბევრს გააკეთებდნენ, ქალები რომ უფრო ცოტას ლაპარაკობდნენ;

    კარგად დუმილი უფრო რთულია, ვიდრე კარგად საუბარი;

    ცუდი ცოლი — წვიმაზე უარესია: წვიმა სახლში გაგდებს, ცუდი ცოლი კი სახლიდან;

    სამყარო გაქრება არა იმის გამო, რომ ბევრი ადამიანია, არამედ იმის გამო, რომ ბევრი არაადამიანია.

(მოამზადა თეო ტაბატაძემ)

წყარო: b2p.ge