თაფლი, ნიგოზი, ხახვის წვენი და ნატურალური წვენები განსაკუთრებით სასარგებლოა თავის ტვინისთვის და მის უკეთ ფუნქციონირებას უწყობს ხელს. მათი რეგულარული მოხმარება ხსნის თავის სიმძიმისა და ტკივილის შეგრძნებებს, აუმჯობესებს განწყობას.

თაფლი და ნიგოზი - დანაყეთ ხუთი ნიგოზი და შეურიეთ 1 ს,კ თაფლი, დაამატეთ მწიკვი დარიჩინი და ჯანჯაფილი (კოჭა). მიიღეთ ჭამამდე 30 წუთით ადრე, დღეში სამჯერ, თითო სუფრის კოვზი.

ხახვის წვენი და თაფლი - გამოწურეთ 1/3 ჭიქა ხახვის წვენი და დაამატეთ 1 ჭიქა თაფლი. მიიღეთ დღეში სამჯერ, თითო ჩაის კოვზი ჭამამდე 30 წუთით ადრე. ნარევი როგორც ტვინის მუშაობაზე მოქმედებს დადებითად, ის ასევე იმუნიტეტსაც ამაღლებს.

ნატურალური წვენები - ყოველდღიურად, სადილამდე და ვახშმამდე 30 წუთით ადრე მიიღეთ ახალგამოწურული ბროწეულის, ვაშლის ან სტაფილოს წვენი მონაცვლეობით. მაღაზიაში ნაყიდი წვენი ახალგამოწურულს ვერ შეედრება.

დილით უზმოზე მიირთვით 1 მუჭა ნიგოზი ან ქიშმიში (შეიძლება ორივე ერთადაც), 15-20 წუთში კი თაფლიანი და ლიმონიანი 1 ჭიქა წყალი დააყოლეთ. 10-15 წუთის შემდეგ შეგიძლიათ საუზმეც მიირთვათ - ეს მეთოდი ძალიან სასარგებლოა თვინისთვის და მთელი ორგანიზმისთვის.