საქართველოს კულტურისა და ძეგლთა დაცვის სამინისტროს მხარდაჭერით, 10-15 ივლისს, „ბათუმის კლასიკური მუსიკის ფესტივალი" გაიმართება.
ფესტივალის ფარგლებში დაგეგმილია კონცერტები, რომელშიც მონაწილეობას მიიღებენ ქართველი და მსოფლიო დონის უცხოელი მუსიკოსები. მათ შორის, ინგოლშტადტის ქართული კამერული ორკესტრი, ბათუმის სიმფონიური ორკესტრი, ლოურენს გოლანი, ელისო ბოლქვაძე, ფრანჩესკო ნიკოლოზი, ანტუან პეკერი, არიელ ცუკერმანი, ქეთევან ქემოკლიძე და სხვ. ბათუმის კლასიკური მუსიკის ფესტივალის ფარგლებში ასევე მოეწყობა გამოფენები და კონფერენციები, გაიმართება დოკუმენტური ფილმების ჩვენება.
პროექტის მიზანია აჭარის რეგიონის პოპულარიზაცია და BATUMI MUSIC FEST-ის გაწევრიანება მუსიკალური ფესტივალების მსოფლიო ასოციაციაში.
ფესტივალი ასევე მიზნად ისახავს მუსიკოსების აღმოჩენას და ხელშეწყობას. მსოფლიო დონის მუსიკოსები ცოდნას და გამოცდილებას ქართველ ახალგაზრდებს გაუზიარებენ.
