მიხეილ ჯოჯუა ცხოვრებაში სპორტისა და კულტურის სფეროში მოღვაწეობას წარმატებით უთავსებდა. იგი 20 წელი თამაშობდა ფეხბურთს, ხოლო ხელოვნებას ნახევარი საუკუნე ემსახურა. მიხეილ ჯოჯუა თეატრალურ სამყაროში ერთ-ერთი გამორჩეული სახე იყო.

ბორის პაიჭაძე, შოთა შავგულიძე, მიხეილ ჯოჯუა, ავთანდილ ღოღობერიძე - ეს იმ სახელების არასრული ჩამონათვალია, რომლებმაც წარუშლელი კვალი დატოვეს ქართული ფეხბურთის ისტორიაში. „დინამოს“ პირველი თაობიდან ცოცხალი მხოლოდ მიხეილ ჯოჯუა შემორჩა, რომელმაც მედია-ჰოლდინგ „რეპორტიორთან“ სტუმრობისას საკუთარი ცხოვრების საინტერესო დეტალები გაიხსენა.