მიხეილ სააკაშვილის განცხადებით ხათუნა კალმახელიძითვის სასჯელაღსრულების მინისტრის თანამდებობა ზედგამოჭრილი არ იყო.
"ხათუნა იყო ჩვენი აქტივისტი. მისი ბიძა მონაკოს პრინცთან დაახლოებულია და მონაკოში აქვს დიდი სასახლე. ხათუნა ფუფუნებაში გაზრდილია და წლების განმავლობაში საზღვარგარეთ სწავლობდა. საქართველოში დაბრუნებული დარბოდა ჩვენთან ერთად, მიტინგებზე იდგა და შემდეგ საგარეო საქმეთა სამინისტროში მოეწყო რიგით თანამშრომლად. გრიგოლ ვაშაძეს მზე და მთვარე ამოსდიოდა ხათუნაზე. როდესაც დავინახე ასეთი კადრი, წამოვიყვანე მთავრობაში. სასჯელაღსრულების სამინისტრო ახალი სტრუქტურა იყო და ხელოვნურივით ჩანდა, ამიტომ იყო იქ ხან შაშკინი, ხან - ხათუნა", - განაცხადა პრეზიდენტმა „ნანუკას შოუში".
პრეზიდენტი, შესაძლებლობის შემთხვევაში, მინისტრთა კაბინეტს "ახალი ადამიანებით" დააკომპლექტებდა, ქვეყნის პირველი პირის განმარტებით, "ახალ ხალხში" მხოლოდ ახალგაზრდობა არ იგულისხმება და საუბარია ახალ თაობაზე, რომელიც ახალი მენტალიტეტით გაიზარდა.
