საქართველოს პრემიერ-მინისტრი ირაკლი ღარიბაშვილი, მეუღლესთან ერთად, თბილისის სახელმწიფო კონსერვატორიის დიდ საკონცერტო დარბაზში, ნინო სურგულაძის მიერ დაფუძნებული ფონდის- "ნატვრის ხე" საქველმოქმედო გალა კონცერტს დაესწრო.

ღონისძიებაში მონაწილეობა მიიღეს მსოფლიოს საოპერო ვარსკვლავებმა. თბილისის ოპერისა და ბალეტის სიმფონიური ორკესტრსა და გუნდს იტალიელი მაესტრო, ბელგიის ლიეჟის სამეფო თეატრის მუსიკალური ხელმძღვანელი და მთავარი დირიჟორი პაოლო არივაბენი დირიჟორობდა.

საქველმოქმედო საღამო მძიმე სენით დაავადებულთა დახმარების მიზნით გაიმართა.