ქრისტიანული სამყარო ხვალ პეტრე-პავლობას აღნიშნავს. მართლმადიდებლური ეკლესია ქრისტეს მოციქულთა შორის განსაკუთრებულ პატივს წმიდანებს პეტრეს და პავლეს მიაგებს და მათ თავმოციქულებს უწოდებს.
წმიდა პეტრე ,ანდრია მოციქულის უფროსი ძმა იყო. იგი უფლის ხმობამდე გალილეის ტბასთან მდებარე პატარა ქალაქ ბეთსაიდის მეთევზე იყო და სვიმონი ეწოდებოდა. იგი იმპერატორ ნერონის ბრძანებით სიკვდილით დასაჯეს.
წმიდა პავლე მოციქული წარმოშობით ბენიამენის ტომიდან იყო და თავიდან სავლე ერქვა. იგი ქრისტიანებს სდევნიდა. მოგვიანებით, ღვთის განგებით დაბრმავდა და უფალმა თავისკენ იხმო. ერთ-ერთი გადმოცემით, მან იმპერატორის მეღვინეთუხუცესი მოაქცია, რისთვისაც სასიკვდილო განაჩენი გამოუტანეს. წმიდა მოციქულმა სიცოცხლე თავისკვეთით დაასრულა.
პეტრე -პავლობამდე მრევლი ოთხი კვირის განმავლობაში მარხულობს.
(მოამზადა რუსუდან ჯაბანიშვილმა)
