ავჭალის დასახლების სოფელ მებაღეობის მცხოვრებლებმა თბილისის შემოვლითი გზა გადაკეტეს. აქციის მონაწილეები ბუნებრივი აირის მიწოდებას ითხოვენ. მათი თქმით, თითქმის ერთი წელია, მრიცხველებისა და მილების მონტაჟი დასრულებულია, მაგრამ ამის მიუხედავად, ბუნებრივი აირი დღემდე არ მიეწოდებათ. ,,არაფერი გვაქვს, არც წყალი, არც გზა, არც გაზი, გარე განათება ან კანალიზაცია. პირველყოფილი ადამიანებივით ვცხოვრობთ", - აცხადებენ შეკრებილები და მოთხოვნების დაკმაყოფილებამდე აქციების შეწყვეტას არ აპირებენ. ისინი დახმარებას ენერგეტიკის მინისტრს, კახი კალაძეს, სთხოვენ.