ფინანსთა მინისტრის ნოდარ ხადურის განცხადებით, სოფელ ჭელაში მინარეთის დემონტაჟი ტექნიკური საკითხი იყო. ამის შესახებ ხადურმა ჟურნალისტებთან საუბრისას განაცხადა.
"ამაზე დღეს განცხადება პრემიერმაც გააკეთა. ეს იყო ტექნიკური ხარვეზი, ტექნიკურად უნდა გადაწყვეტილიყო. სამწუხაროა, რომ ამან სხვა ხასიათი მიიღო", - განაცხადა ნოდარ ხადურმა.
შეგახსენებთ რომ სოფელ ჭელაში მინარეთის დემონტაჟი შემოსავლების სამსახურის მოთხოვნის საფუძველზე რამდენიმე დღის წინ მოხდა. შემოსავლების სამსახურის განცხადებით, საბაჟოზე არასწორად მოხდა ტვირთების შემოტანა, რითაც მინარეთის მონტაჟი განხორციელდა, ამ ფაქტს მუსლიმები უსაფუძვლოს უწოდებდნენ და აცხადებდნენ, რომ ყველა წესის დაცვით მოხდა საბაჟოზე ტვირთის შემოტანა.