ზუგდიდის დადიანების ისტორიულ არქიტექტურული მუზეუმიდან ღვთისშობლის კვართის გამოაბრძანეს და მშენებარე საკათედრო ტაძარში დააბრძანეს. ეს მართლმადიდებლურ სამყაროში წელიწადში ერთხელ ხდება.

ვლაქერნობის აღსანიშნავად ზუგდიდში მომლოცველები სხვადასხვა მართლმადიდებლური ქვეყნებიდან და საქართველოს სხვადასხვა კუთხეებიდან არიან ჩასულები.

ვლაქერნობასთან დაკავშირებით დღეს ზუგდიდში გალა კონცერტიც ჩატარდება, სპეციალურად ამ დღისთვის ზუგდიდის მთავარ მოედანზე თამარ გვერდწითელი სიმღერებს შეასრულებს.