დღეს ქართველი კინომსახიობის, საესტრადო მომღერლისა და კინორეჟისორის, ვახტანგ კიკაბიძის დაბადების დღეა.  

ვახტანგ კიკაბიძე 1938 წლის 19 ივლისს თბილისში დაიბადა. 1959-1965 წლებში სწავლობდა თბილისის ივანე ჯავახიშვილის სახელობის სახელმწიფო უნივერსიტეტში, 1961-1963 წლებში უცხო ენათა ინსტიტუტში. 1959 წლიდან იყო ფილარმონიის არტისტი. 1967 წლიდან ვოკალურ ინსტრუმენტალურ ანსამბლ „ორერას" სოლისტი. საერთაშორისო კინო ფესტივალზე „კარტახანი-70" მიღებული აქვს პრემია მამაკაცის როლის საუკეთესო შესრულებისათვის ფილმში „არ დაიდარდო", სახელმწიფო პრემია ფილმში „მიმინო".

კიკაბიძეს კინემატოგრაფიაში შექმნილი აქვს მრავალი დაუვიწყარი სახე, რომლებიც მაყურებელმა მალე შეიყვარა. მათ შორისაა ფილმები „არ იდარდო!", „მიმინო", „ვერის უბნის მელოდიები" და სხვა.

ვახტანგ კიკაბიძე არის სსრკ-ის სახელმწიფო პრემიის, ასევე მრავალი საერთაშორისო სიმღერისა და კინოფესტივალის ლაურეატი. კავალერი ორდენების: ღირსების, ვახტანგ გორგასლის III ხარისხის, ნიკოლოზ საკვირველმქნელის და წმინდა კონსტანტინე დიდის ჯვრის რაინდი. 1999 წელს მოსკოვში „ვარსკვლავების მოედანზე" მისი სახელობის ვარსკვლავი გაიხსნა.

(მოამზადა ნინი მოდრეკილმა)