ფილმ "მანდარინების" რეჟისორი ზაზა ურუშაძე ღირსების ორდენზეა წარდგენილი. აღნიშნულ ინფორმაციას კულტურის სამინისტრო ავრცელებს.
"მანდარინებმა" 2013-2014 წლებში 15-ზე მეტი ჯილდო მიიღო.
ფილმი ესტონურ-ქართული კოპროდუქციაა და მისი მხარდამჭერები არიან: საქართველოს კულტურისა და ძეგლთა დაცვის სამინისტრო, ეროვნული კინოცენტრი, ევროპის საბჭოს კინოს განვითარებისა და მხარდაჭერის ფონდი ევრიმაჟი, ესტონეთის ეროვნული კინოცენტრი, ესტონეთის კინოს ფონდი და ესტონეთის კულტურის სამინისტრო.
სიუჟეტი აფხაზეთის ომის ფონზე ვითარდება და აფხაზეთში მცხოვრებ ესტონელზე მოგვითხრობს, რომელიც ომის დროს აფხაზეთში თავისი სურვილით დარჩა. დრამაში აღწერილია ესტონელი გმირის სახლში მოხვედრილი დაჭრილი ქართველი და ჩეჩენი ჯარისკაცის ურთიერთობა.
კულტურის მინისტრი გურამ ოდიშარია ფილმის გადამღებ ჯგუფს ხვალ პირადად შეხვდება.
