სახალხო მოძრაობამ ქართულ-რუსული დიალოგისა და თანამშრომლობისათვის, ევრაზიის ინსტიტუტის ხელშეწყობით, შიდა ქართლში კონფლიქტის ზონის მიმდებარე სოფლებში მცხოვრები ბავშვებისთვის საქველმოქმედო-შემეცნებითი აქცია გაიმართა, რომლის ფარგლებშიც, 10-დან 14 წლამდე, სოციალურად დაუცველი ოჯახის სტატუსის მქონე მოზარდებისთვის თბილისში ექსკურსია მოეწყო.

ექსკურსიაში 60-მდე ბავშვი მონაწილეობდა, მათ შორის იყო რამდენიმე პედაგოგი. ღონისძიებაში მონაწილეებს შორის იყვნენ სოფელ ბერშუეთის, კირბალის, ცერონისის, ავნელის და კნოლევის მცხოვრებნი. მათი უმეტესობა დედაქალაქში პირველად იყო.

ექსკურსიის ფარგლებში გაიმართა სხვადასხვა ღონისძიება, სტუმრებმა დაათვალიერეს ისტორიული ძეგლები, ყვავილებით შეამკეს ალექსანდრე პუშკინის ბიუსტი, დღის ბოლოს გაიმართა სპეციალური სადილი.