1982 წლის იანვარი, ეროსი მანჯგალაძის ბოლო როლი.

რადიოში რეზო გაბრიაძის „მარშალ დე ფანტიეს ბრილიანტი"-ს დადგმა იწერებოდა. რადიოვერსიის ინსცენირების ავტორი არმაზ სანებლიძე გახლდათ, რეჟისორი ზურაბ კანდელაკი, ხმის რეჟისორი ჯემალ პატეიშვილი, რედაქტორი ვახტანგ კობაიძე. ეს კინო-რგოლი, „მოამბისთვის" ვახტანგ კობაიძემ და გურამ მგალობლიშვილმა რადიოდადგმის ანონსისთვის მოამზადეს. ეთერშიც გადაიცა, თუმცა ბატონი ეროსი უკვე გარდაცვლილი იყო - 1982 წლის 26 იანვარს. აღარ არიან მისი პარტნიორებიც - სალომე ყანჩელი, მედეა ჩახავა, რამაზ ჩხიკვაძე, გოგი გეგეჭკორი. რადიო-დადგმა „მარშალ დე ფანტიეს ბრილიანტი" რადიოში დღესაც წარმატებით მიდის.