ბათუმში რიგით მერვე, შავი ზღვის ჯაზ-ფესტივალი დაიწყო. ფესტივალი ჯგუფმა „ქულ ენდ ზი გენგს"-მა (KOOL AND THE GANG) გახსნა. ჯაზის საღამოები ბათუმის ბულვარში, კორტებზე იმართება. სამი დღის განმავლობაში მსურველებს საშუალება ექნებათ მოისმინონ ლივ ვოლფილდისა და ჯგუფი „ნიუ ჯენერეიშენის" (LIV WARFIELD feat NPG Homz), მარიო ბიონდის (MARIO BIONDI),ბუცა ქოლინსი და ფანქ იუნითი ბენდის (bootsy Collins & The Funk Unity Band) მუსიკალური ნომრები.

ჯაზ-ფესტივალის ბილეთების შეძენა ბათუმში, სასტუმრო „ინტურისტსა" და კლუბ Take Five-შია შესაძლებელი. ასევე ფასიანი კონცერტების გარდა, ფესტივალის ეგიდით  ბათუმის ბულვარის ტერიტორიაზე ბენდი MEN IN BRASS სამი დღის განმავლობაში 15 უფასო შოუს გამართავს.