დევნილთა მინისტრი სოზარ სუბარი 2007 წლის 7 ნოემბრის მოვლენებს იხსენებს და ამბობს, რომ მას ვასილ მაღლაფერიძემ ვანო მერაბიშვილის კაბინეტში ჩატარებული თათბირის შესახებ ინფორმაცია მიაწოდა.

ჩანაწერში საუბარია იმაზე, თუ როგორ ქონდათ პირაპირი დავალება, გუბერნატორებს და მაღალი თანამდებობის პირებს მიცემული.

„უნდა დაწყებულიყო დევნა, ცემა, ნარკოტიკების ჩადება და იმ ადამიანების ქონების განადგურება, რომლებიც პოლიტიკურად მოწინააღმდეგე ფიგურებს წარმოადგენდნენ. ასე რომ, ინსინუაციები თემაზე, რომ თითქოს რუსი ოლიგარქი გადატრიალებას ამზადებდა, მოგონილია", - აცხადებს სუბარი.

სუბარის თქმით, მისი, სახალხო დამცველის თანამდებობაზე ყოფნის დროს 2007 წლის 4 ნოემბერს გაეროში ჰქონდა დაგეგმილი შეხვედრა, თუმცა მიმდინარე მოვლენების გამო შეხვედრა გადაიდო.

"პირველ რიგში, სიტყვიერად მივიღე ეს ინფორმაცია. შესაბამისად, სახალხო დამცველის აპარატი გადავიყვანე სრულ მზადყოფნაში, რათა მონიტორინგი გაძლიერებულიყო და გვქონოდა შესაძლებლობა, რომ ყველა დარღვევა, რაც იმ დროს არსებობდა, დაფიქსირებისა და შესწავლის გარეშე არ დარჩენილიყო. 5 ნოემბერს ეს დოკუმენტი უკვე წერილობითი ფორმით არსებობდა, რომელიც სათარგმნელად იმ დღესვე გადავეცით და 8 ნოემბერს უკვე მაღალი დონის დიპლომატებს გადავეცი", - განაცხადა სოზარ სუბარმა.