„ნაციონალური მოძრაობის" წევრი, გოკა გაბაშვილი მცხეთა-მთიანეთის გუბერნატორის, ვასილ გაბაშვილის განცხადებას ეხმაურება და აცხადებს, რომ ინფორმაცია, რომელსაც მაღლაფერიძე ავრცელებს, სიცრუეა.
გოკა გაბაშვილის თქმით, მაღლაფერიძის განცხადება იმის თაობაზე, რომ ჩვენ ერთად ვესწრებოდით თათბირს, სადაც რაიმე სახის დარბევა დაიგეგმა, მტკნარი სიცრუეა და პოლიტიკურად მოტივირებული ცრუ ჩვენება.
„ვანო მერაბიშვილმა გუბერნატორები და მინისტრები, მაგალითად, კულტურის მინისტრი, ერთად შეკრიბა და რაიმე სახის დარბევაზე ლაპარაკობდა - ეს არის აბსურდი, სრული მტკნარი ტყუილი და მის სინდისზე და ნამუსზე იყოს",-განაცხადა გაბაშვილმა.
შეგახსენებთ, რომ ვასილ მაღლაფერიძემ 2007 წლის ნოემბრის თათბირი გაიხსენა, რომელიც, მისივე ცნობით, მაშინდელი მინისტრი, ვანო მერაბიშვილის ხელმძღვანელობდა და მას გუბერნატორები და მაღალი თანამდებობის პირები ესწრებოდნენ. აღნიშნავს, რომ თათბირზე მათ ოპოზიციის და მათი მხარდამჭერების შესახებ ესაუბრნენ და კონკრეტული გეგმა გააცნეს.
