კულტურის მინისტრის მოადგილე, მანანა ბერიკაშვილი მისი წარდგენის შემდეგ ჟურნალისტებთან განცხადებას აკეთებს და აღნიშნავს, რომ ახალ გუნდთან დარჩენა მას ძალიან გაეხარდა.
“ძალიან გამიხარდა, რომ ახალ გუნდთან ერთად დავრჩი. ძალიან ბევრი რამ არის ბოლომდე მისაყვანი. ჩვენ გვქონდა კონსულტაციები, ჩვენი აზრები ერთმანეთს დაემთხვა და მე ჩვეულ რეჟიმში გავაგრძელებ მუშაობას მიშასთან და კახასთან ერთად. მგონია, რომ ბევრი კარგი საქმე გავაკეთე აქ მუშაობის პერიოდში და ვფიქრობ, რომ მომავალში კარგად ვითანამშრომლებთ.” - განაცხადა ბერიკაშვილმა.
კულტურის მინისტრის მეორე მოადგილის კახა კანდელაკის განცხადებით მისი მთავარი მიზანი იქნება გააკეთოს ის, რაც ქვეყანას გამოადგება.
„ჯერჯერობით ვეცნობი მიმდინარე პროექტებს. ასევე, დავსახეთ სამომავლო გეგმები. პრიორიტეტული იქნება ის, რაც ჩვენს ქვეყანას გამოადგება და სიტუაციას განავითარებს. ვეცდები შევქმნა ისეთი გარემო, რომ ყველასთვის სასიამოვნო იყოს ჩვენთან თანამშრომლობა.“ - განაცხადა კანდელაკმა.
