ახლაგაზდა კალიგრაფს, მწერალ გიორგი სისაურს, რომელიც ჯერ მხოლოდ 18 წლის არის, თავის სფეროში საკმაოდ დიდი მიღწევები აქვს. სისაური ძირითადად ძველი ქართულით წერს, თუმცა აღსანიშნავია ისიც, რომ მისი შემოქმედება უნიკალურობით გამოირჩევა და მნახველს გაოცებულს ტოვებს.
გიორგი სისაური კალიგრაფიით 4 წლის წინ დაინტერესდა. მისი თქმით, თვითნასწავლი კალიგრაფისტი ამ განხრით მაშინ დაინტერესდა, როდესაც 10 000 კაციან კონკურსში გაიმარჯვა.
„ეს არის ის კულტურა, რომელიც დღეს მივიწყებულია. ჩვენი ქვეყნის კულტურა მხოლოდ სიმღერა, ცეკვა და ქართული კულინარია ხომ არაა?! კულტურა არის ის, რაც კაცობრიობის ისტორიაში შენს განსაკუთრებულ ადგილს გიმკვიდრებს. მხოლოდ ის რად ღირს, რომ ჩვენი საკუთარი ანბანი გაგვაჩნია, რომელსაც განვითარების სამი საფეხური აქვს.
დღეს ჩვენი კულტურის ერთ-ერთ მთავარი მონაპოვარი - ქართული დამწერლობა ნელ-ნელა დავიწყებას ეძლევა და მას მხოლოდ წერა- კითხვისათვის ვიყენებთ. რატომ დაიკარგა კალიგრაფის მნიშვნელობა დღევანდელ საქართველოში?"- აცხადებს სისაური.
http://www.ttimes.ge/archives/23718?fb_action_ids=720101708027316&fb_action_types=og.likes
(მოამზადა თეონა რამაზაშვილმა)
