ექსპერტმა მიხეილ თოქმაზიშვილმა გარემოს დაბინძურებასთან დაკავშირებით ადმინისტრაციული სასჯელებისა და ჯარიმები მაქსიმალურად გამკაცრდებასთან დაკავშირებით პრემიერის ინიციატივის კომენტირებისას განაცხადა, რომ საქართველოში ტურიზმი გამოცხადებულია, როგორც ერთ-ერთი პრიორიტეტული მიმართულებად და ამ თვალსაზრისით, განსაკუთრებული ყურადღება სწორედ ეკონოლოგიურ მდგომარეობას უნდა მიექცეს.
„გარემოს დაბინძურება არის ის, რაც უშუალოდ ზემოქმედებს ტურიზმის განვითარებაზე. თუ არ არის ეკოლოგიურად სუფთა გარემო, ბუნებრივია, ტურისტების მოზიდვაც გართულდება. ეს ერთ-ერთი მიმართულებაა, რომელიც აუცილებელს ხდის ზრუნვას გარემოზე. მეორე აუცილებლობა, რომელიც გარემოს უსაფრთხოებაზე არის მიმართული, არის საქართველოს ვალდებულება, რომ თვითონ ქვეყნის მოსახლეობისთვის გარემო იყოს უსაფრთხო. ეს ვალდებულება ჩაწერილია ევროკავშირის ასოცირების ხელშეკრულებაში და ბუნებრივია, ამ თვალსაზრისით საქართველომ უნდა დასახოს გარკვეული ღონისძიებები", - განაცხადა თოქმაზიშვილმა.
ამასთან, ექსპერტის შეფასებით, გარემოს დაბინძურების წინააღმდეგ ბრძოლის ორი მიმართულება არსებობს - ცნობიერების ამაღლება და დაძალება.
„ცნობიერების ამაღლება ისეთი ეფექტური არ შეიძლება იყოს, როგორც ჯარიმების სისტემა. ჩვენ უნდა ვისწავლოთ ცხოვრება სუფთა გარემოში. ვფიქრობ, ჯარიმების ამოქმედება ეფექტური იქნება. გაიხსენეთ, არც ერთი მძღოლი და მგზავრი არ იკეთებდა ღვედს. მას შემდეგ კი, რაც ჯარიმები ამოქმედდა, ძალიან იშვიათად დაინახავთ ვინმეს ღვედის გარეშე. ანუ ეს მოქმედებს, ეფექტური სისტემაა", - აღნიშნა თოქმაზიშვილმა.
(მოამზადა ანა ნოდიამ)
