ჟურნალისტი მაგდა ანიკაშვილი, რომელიც რამდენიმე წელია, პოლიტიკურ მოღვაწეობას ეწევა, კვლავ მედიაში ბრუნდება. მალე ქართველი მაყურებელი ახალ სპორტულ ტელეარხს - TVS-ს იხილავს. არხი მაუწყებლობას 22 სექტემბერს დაიწყებს. მაგდა ანიკაშვილი კი თოქ-შოუ „თავისუფალი სექტორის" წამყვანი იქნება. აღნიშნულის შესახებ მაგდა ანიკაშვილი გაზეთ „პრაიმტაიმთან" საუბრობს:
„ყოველთვის მენატრებოდა ტელევიზია. ახლა ძალიან საინტერესო ეტაპი იწყება ჩემს ცხოვრებაში. თითქოს სახლში ვბრუნდები. ეს ჩემთვის გამოწვევა იქნება. სპორტი ძალიან მიყვარს, მაგრამ მხოლოდ გულშემატკივრის დონეზე.
შეთავაზება მოულოდნელად მივიღე. მითხრეს, რომ ჩვენ ყველანი ახალ საქმეს ვიწყებთ.
ტელევიზიაში არ იქნება მხოლოდ უცხოური მატჩების ტრანსლაცია, არამედ ორიგინალური გადაცემები, ჩვენი ჟურნალისტების მიერ მომზადებული, სპორტზე, სპორტსმენებზე... " - აცხადებს ანიკაშვილი.
(მოამზადა ანა ნოდიამ)
