სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სრულიად საქართველოს, საეკლესიო ახალი წელი მიულოცა.

როგორც პატრიარქმა სამების საკათედრო ტაძარში საკვირაო ქადაგებისას ბრძანა, ღმერთმა ინებოს, რომ ამ ახალ წელს აღსრულდეს ყველა თხოვნა და ლოცვა უფლის მიმართ.

"ყველას გილოცავთ საეკლესიო ახალ წელს. ღმერთმა ინებოს, რომ ამ მომდევნო წელს აღსრულდეს ჩვენი ყველა ლოცვა და თხოვნა უფლის მიმართ. ღმერთმა მოგცეთ მშვიდობა, სიყვარული და სიხარული", - მიმართა მრევლს პატრიარქმა.

დღესვე ილია მეორემ დააჯილდოვა და არქიმანდრიტის ხარისხში აიყვანა დასავლეთ ევროპის ეპარქიის მღვდელმსახური, იღუმენი იოანე ხელაია. იოანე ხელაია, წარსულში ზაზა ხელაია, ჟურნალისტი, ამბროსი ხელაიას შთამომავალია.