წერალთა სახლში დღეს, ქართული პოეზიის მთარგმნელობითი სემინარების დასრულებასთან დაკავშირებით, 6 ქართველი პოეტის ნაწარმოებების ინგლისურენოვანი თარგმანების საჯარო კითხვა გაიმართება.

ღონისძიებაზე  ირაკლი ჩარკვიანის, ლელა სამნიაშვილის, შოთა იათაშვილის, მაია სარიშვილის, გაგა ნახუცრიშვილისა და რატი ამაღლობელის ნაწარმოებებს წაიკითხავენ.  

პროექტის მხარდამჭერები არიან საქართველოს კულტურისა და ძეგლთა დაცვის სამინისტრო, ბრიტანეთის საბჭო და საქართველოს მწერალთა სახლი. ინგლისურენოვანი თარგმანები მომზადდა ბრიტანელი პოეტების მიერ, რომლებიც ასევე მიიღებენ მონაწილეობას აღნიშნულ ღონისძიებაში.

სემინარების ფარგლებში მომზადებული ექვსი ქართველი პოეტის ნაწარმოებების ლიტერატურული თარგმანები Arc Publication--ის მიერ ანთოლოგიის სახით 2015 წელს გამოიცემა.