საფესტივალო ჩვენებები კინოთეატრ "აპოლოში", სასტუმრო "დივანის" საკონფერენციო დარბაზსა და ღია ცის ქვეშ - ევროპის მოედანზე მომდევნო ერთი კვირის განმავლობაში გაიმართება.

ფესტივალის ოფიციალური გახსნა დღეს 19:30 საათზეა ჩანიშნული. საზეიმო ცერემონიის შემდგომ, ფესტივალის მონაწილეებსა და სტუმრებს სერგო ფარაჯანოვის ფილმს უჩვენებენ. ცნობილი რეჟისორის შემოქმედებას BIAFF-ის რიგით მეცხრე ფესტივალის რამდენიმე დღე დაეთმობა.

მაყურებელი წელს საქველმოქმედო აქციის მონაწილეც გახდება. ფესტივალის ორგანიზატორების გადაწყვეტილებით, კინოჩვენებების საღამოს ორი სეანსი ფასიანი იქნება და თითოეულ ბილეთში გადახდილი 5 ლარი დიმიტრი ცინცაძის სახელობის ფონდში ლეიკემიით დაავადებული ბავშვების დასახმარებლად გადაირიცხება.