ბანკში კრედიტის დასაფარად მიმავალ დაზარალებულს თანხა გზაში დაეკარგა. დაზარალებული ოჯახის თქმით, მპოვნელი ათასი ლარით დასაჩუქრდება. „აფთიაქში ბავშვისთვის წამლები შევიძინე, შემდეგ სუპერმარკეტში შევედი და საფულე კონკრეტულად სად დავკარგე აღარ მახსოვს. იქვე დევს ბანკის ქვითრები და სხვა საბუთებიც", - აცხადებს დაზარალებული „ქიზიყთან" საუბრისას. დაზარალებულის თქმით, მათი ოჯახი მესაქონლეობას მისდევს და ეს კრედიტიც ამიტომ ჰქონდათ აღებული. მომხდართან დაკავშირებით ოჯახმა შსს დედოფლისწყაროს პოლიციის სამმართველოს უკვე მიმართა, მიმდინარეობს ძიება.