ლიტერატურული პრემია "საბას" რიგით მე-12 საზეიმო დაჯილდოება დღეს, შოთა რუსთაველის სახელობის სახელმწიფო დრამატულ თეატრში შედგება. დაჯილდოების ცერემონიალზე 10 ნომინაციის მიხედვით გამარჯვებული წიგნებისა და ავტორების ვინაობა გახდება ცნობილი.
ორგანიზატორების ინფორმაციით, ლიტერატურული პრემია „საბას“ ისტორიაში ეს იქნება დაჯილდოების ყველაზე მასშტაბური ცერემონია, რომელზეც სპეციალურად "საბასთვის" შექმნილი მუსიკალურ-ლიტერატურული პროექტის "ეპოქის ხმები" პრემიერა შედგება.
პროექტის დამდგმელი რეჟისორი ზაალ ჩიქობავაა. მუსიკალური ხელმძღვანელი - მიხეილ მდინარაძე.
პროექტში ზაქარია ფალიაშვილის სახელობის ოპერისა და ბალეტის სახელმწიფო პროფესიული თეატრის ორკესტრი და საბალეტო დასი მონაწილეობს.
"ეპოქის ხმები" "თიბისი ბანკის" ინიციატივითა და უშუალო ორგანიზებით შეიქმნა.
(მოამზადა ანა ნოდიამ)
