ეკონომიკის მინისტრის გიორგი კვირიკაშვილის განცხადებით, ანაკლიის პორტით ერთ-ერთი ამერიკული კომპანია დაინტერესდა.  ინტერესთა გამოხატვის ბოლო ვადა არის 1 ოქტომბერი, თუმცა, არ არის გამორიცხული, რომ ვადამ გადაიწიოს.

„ანაკლიით ერთ-ერთი მსხვილი ამერიკული კომპანია დაინტერესდა. 1 ოქტომბერი არის ინტერესთა გამოხატვის ბოლო ვადა, სწორედ ამ დროს გვეცოდინება, შემდგომ რა იქნება. თუ კომპანიები მოითხოვენ, შესაძლოა, ამ ვადამ გადაიწიოს, რადგან ძალიან ბევრი კითხვა აქვთ ამ კომპანიებს პორტთან დაკავშირებით", - აღნიშნა კვირიკაშვილმა. თუმცა, მინიტრის თქმით, შეიძლება არც მოხდეს ვადის გადაწევა, რადგან რამდენიმე კომპანიას უკვე აქვს ინტერესი გამოხატული.