სამშაბათს, 30 სექტემბერს, 14:00სთ-ზე, თბილისის სახელმწიფო კონსერვატორიაში გამოჩენილი ქართველი პიანისტის თენგიზ (გიზი) ამირეჯიბის სახელობის აუდიტორია იხსნება. ასევე გაიხსნება მისი მემორიალური დაფა. 

კონსერვატორიის 205-ე აუდიტორიაში იგი 1954 - 2012 წლებში მოღვაწეობდა. 

საქართველოს დამსახურებულ არტისტს, საქართველოს სახალხო არტისტს, თბილისის კონსერვატორიის პროფესორსა და ოცზე მეტი პრესტიჟული საერთაშორისო კონკურსის ლაურეატ გიზი ამირეჯიბს 30 სექტემბერს  87 წელი შეუსრულდებოდა.

გახსნას გიზი ამირეჯიბის მოსწავლეები, ოჯახის წევრები და კონსერვატორიის პროფესორ-მასწავლებლები დაესწრებიან.

(მოამზადა ანა ნოდიამ)