„სამეფო უბნის თეატრში'' თემურ ჩხეიძის სახელოსნოს პრეზენტაცია გაიმართება. სახელოსნოში სტუდენტები სამი მიმართულებით ისწავლიან: რეჟისურა, დრამატურგია და თეატრმცოდნეობა.
სახელოსნოში სტუდენტები კონკურსის წესით აარჩიეს. სწავლა ორწლიანია და სრულიად უფასო. პროექტის ფინანსური მხარდამჭერია კულტურისა და ძეგლთა დაცვის სამინისტრო.
სწავლის ძირითად კურსს თემურ ჩხეიძე უხელმძღვანელებს, თემატურ ლექციებს კი მოწვეული სპეციალისტები ჩაატარებენ . პროექტის ფარგლებში, პროფესიული ლიტერატურა ქართულად ითარგმნება და წიგნად გამოიცემა. პირველ ლექციას თემურ ჩხეიძე 7 ოქტომბერს ჩაატარებს.
„სამეფო უბნის თეატრის'' განახლებულ ფოიეში ასევე გაიმართება ბობო მხიტარის ფოტოგამოფენა. ფოტოები თეატრის სხვადასხვა სპექტაკლზეა გადაღებული.
საღამოს, თბილისის საერთაშორისო თეატრალური ფესტივალის ფარგლებში, თეატრი, სტუმრებს დათა თავაძის ახალ სპექტაკლზე, „ტკივილი არის ახალგაზრდობა,'' უმასპინძლებს.
