ტარიფების ახალი მეთოდოლოგიით გადათვლის შემდეგ, „ენერგო-პრო ჯორჯიას" ტარიფი კომერციული მომხმარებლებისთვის  მაღალ და დაბალ ძაბვაზე, დაახლოებით 0,07 თეთრის ფარგლებში, ხოლო საშუალო ძაბვაზე - 1,25 თეთრის ოდენობით შემცირდა.

როგორც „რეპორტიორს" ენერგეტიკის სამინისტროდან აცნობეს, შემცირებული ტარიფით ბიზნესი  1 სექტემბრიდან სარგებლობს და ერთ თვეში კომერციული ტარიფის შემცირებით საქართველოს რეგიონებში  კერძო სექტორმა დაახლოებით 1 მილიონი ლარი უკვე  დაზოგა.

შეგახსენებთ, რომ საქართველოს ენერგეტიკის სამინისტროსა და კომპანიებს შორის მოლაპარაკებების შედეგად, მათთვის, ვინც თვეში 0-დან 300 კვტ სააათამდე ელექტროენერგიას მოიხმარს,  ტარიფი 2013 წლის 1 იანვარს ერთხელ 21-27%ით უკვე შემცირდა. 2013 წლის 1 მარტს 5 თეთრით გაიაფდა ბუნებრივი აირის მოხმარების საფასურიც.

ტარიფების შემცირებით  ჯამში საქართველოს მოსახლეობა ყოველწლიურად ათობით მილიონ ლარს ზოგავს.